Pinipili sa kasalukuyan ang live chat bilang customer service channel para sa dumaraming online consumer. Kasi nga, ang pagkakaroon ng live chat widget sa website ng inyong kompanya ay halos maituturing na pangangailangan na ng business, anuman ang sukat at anumang industriya. Nagbibigay ito ng kakayahang mag-offer ng mabilis at napapanahong tulong sa customer. Bukod dito, kapag ginamit nang matino, mapapataas nito ang engagement at daragdagan nito ang customer satisfaction at sales habang bababa ang gastos ng customer support.
Paano maglagay ng live chat sa website ninyo?
1. Piliin ang inyong live chat software provider
Dahil sa epekto ng live chat sa quality ng inyong customer service at kita, mag-invest ng oras para magsaliksik ng options para mas malaman ang mga klase ng live chat software provider bago pumili ng tool na sapat sa pangangailangan ng inyong business at idadagdag ito sa website. Ang ilang mahalagang pag-isipan ay ang nakatakdang features, madaling onboarding at customization, third-party software integration, seguridad, mobile compatibility, pricing, at customer support.
2. Mag-sign up sa serbisyo
Kung nakapaglista na kayo ng pagpipilian na sapat sa inyong pangangailangan at budget, bakit hindi pa kayo handang bumili ng subscription? Okey lang kasi puwede ninyong simulan muna ang libreng trial. Karamihan ng live chat software providers ay may libreng mga feature na makukuha para ang potensiyal na customer ay maaaring mag-test ng lahat ng functionality. Puwede ring mag-request ng demo. Ang pag-sign up para sa libreng trial ay ilang minuto lang at di kailangan ng impormasyon ng credit card.
3. Maglagay ng live chat button sa website ninyo
Pagkatapos mag-sign up, kailangan ninyong pumili ng chat button. Ilagay ang maikling HTML code sa katawan ng inyong page para sa live chat implementation. Kapag na-embed na ang chat sa website, makapagsisimula na kayo ng chatting sa mga customer at prospects nang real-time. Tuwing magki-click ang inyong bisita sa live chat button na karaniwang nakikita sa kanang kanto sa ibaba ng website, lalabas ang chat window. Sa pag-click sa window na ito, sisimulan nito ang isang chat sa rep ng kompanya na kasalukuyang online at bukas sa pagtanggap ng chat request.
4. I-customize ang live chat widget
Karaniwang offer ng live chat software providers ang malawak na saklaw ng customizations. Puwedeng kasali rito ang pagbabago ng disenyo ng online (kapag nakabukas ang chat) at offline (kapag hindi nakabukas ang chat) button at isang chat window para magmukha itong native sa inyong website, pati na ang pagbabago ng wika at mga nakasulat. Puwedeng piliin kung magsisimula ang chat agad o may pre-chat form na susulatan ang inyong bisita kapag na-click ang chat button. Ang disenyo ng mga pre-chat form at contact-forms (naka-display kapag walang agent online) ay karaniwang puwedeng i-customize batay sa inyong pangangailangan.
I-customize ang chat window
5. Paganahin ang proactive chat invitation
Ang proactive chat ay isang karaniwang feature na ino-offer ng maraming chat vendor. Ang proactive chat invitations ay puwedeng naka-display sa bawat page ng website o sa mga partikular na page. Halimbawa, sa inyong pricing o check-out page kung saan kadalasang hahanap ang mga user ng live assistance. Ang invitations ay puwedeng ma-trigger nang manual o awtomatiko batay sa pre-defined rules, halimbawa impormasyon tungkol sa bisita at iba-ibang metrics ng kaugalian, geographic location, current page, referral page, oras na ginugol sa website, mga visit time, at iba pa.
6. Gumawa ng listahan ng canned responses
Ang paggawa ng canned message ay mahalagang parte ng paglalatag ng website chat widget at pagkuha ng pakinabang mula dito. Ito ay pre-defined answers sa mga frequently asked question ng mga customer. Hinahayaan nitong pabilisin ang response time at dagdagan ang kakayahan ng agent dahil hindi na nila kailangang mag-type ng mga pasadyang tugon sa paulit-ulit na tanong na puwedeng masagot agad sa pamamagitan lang ng pagpapadala ng tamang pre-written response sa ilang click. Ang canned messages ay nakatutulong kapag kailangan ng mga agent na humawak ng maraming chat request nang sabay-sabay.
Best practices sa pag-set up ng live chat support ninyo
Ang pag-alam kung paano mag-integrate ng live chat sa isang website ay unang hakbang lang. Narito ang tips at best practices para maisaayos ang inyong live chat tool para masigurong bibigyan nito ang inyong business at mga customer ng mga benepisyo:
Paganahin ito sa tamang pages
Kahit puwedeng lagyan ng live chat button ang lahat ng page ng inyong website, baka gusto ninyong lagyan lamang ang ilang partikular na page. Kung ganoon, puwede ninyong piliin kung saan mas malamang na may tanong ang inyong mga customer at bisita ng website. Karaniwan, ito ay sa Price, Product, Contact, FAQs, at landing page.
Gamitin nang mas strategic ang proactive chat
Kapag pinagana ang automated proactive chat invitations, siguraduhing hindi sila magpa-pop up sa loob ng ilang segundo bago pa man may pagkakataon ang bisitang tumingin-tingin sa website. At huwag ninyong imbitahan ang mga bisita nang paulit-ulit na mag-chat, lalo na ‘yung humindi na sa chat invitation. Puwede nila itong ikainis.
Linawin ang inyong online availability status sa mga visitor
Kung hindi ninyo planong paganahin ang inyong live chat ng 24/7, gawing malinaw ito sa inyong mga bisita kapag hindi nila makukuha ang live support. Puwede itong magawa sa paglagay ng offline chat button na makikita kapag hindi online ang inyong mga agent at hindi nila matatanggap ang chat request. Maigi ring ilagay ang mga oras kung kailan bukas ang business ninyo sa contact page.
Siguraduhin ang tamang paggamit ng canned responses
Bagama’t mapapahusay nang di hamak ng mga canned message ang response time, puwedeng makasama pa ang mga ito kaysa makabuti kapag hindi nagamit nang maayos. Ang kauna-unahang tuntunin sa canned responses ay kailangan muna ang mga itong i-modify at i-personalize para bumagay sa sitwasyon ng customer at sa partikular nilang pangangailangan.
Mag-invest sa training ng mga live chat agent
Higit sa lahat, ang quality ng inyong chat support ay hindi lang tungkol sa tamang software na may modernong pakinabang. Ito’y mas tungkol sa mga taong nagtatrabaho sa live chat. Mamuhunan sa sapat na training para sa inyong chat agents. Kasama rito ang pagsasanay sa kanilang gumamit ng chat tool sa pinakamabisang paraan. Gayunman, puwede rin nitong pagalingin ang kanilang soft skills.
Diskubrehin ninyo
Discover on your own!
Knowledge is important, but only when put into practice. Test everything in our academy right inside the LiveAgent.