Libreng trial

Language switcher

–Hidden comment

Use attributes in format region_from and region_to= to change the languages showing in language switcher.
Available regions are:
europe_from europe_to
asia_from asia_to
mideast_from mideast_to
america_from america_to

Example:
europe_from=0 europe_to=22 will put all languages (ordered in language switcher settings) from 1 to 21 to Europe region:
asia_from=22 asia_to=25 will put all languages from 23 to 24 (so only 2) into Asia region.

  • Academy
  • Paano mangolekta ng reviews

Paano mangolekta ng reviews

Maraming paraan para makakolekta ang isang kompanya ng mga review mula sa kanilang mga customer, pero hindi lahat ay palaging madaling gawin sa bawat pagkakataon. Narito ang ilan sa mga paraang makatutulong sa inyong makapag-request ng feedback  mula sa mga customer ninyo at alamin ang tungkol sa pagperpekto ng mga produkto at serbisyo kasabay nito.

1. Maglagay ng reviews section sa website ninyo

Ang pinakaunang bagay na dapat ninyong gawin para makapagkolekta kayo ng reviews na inaasam ninyo ay ang paglalagay ng section o form sa website kung saan puwede at madaling magbigay ang mga tao ng kanilang review. Maliban sa pagpapakita ng mga user review sa ilalim ng mga produkto at serbisyo ninyo, dapat ring siguraduhing ang mga customer ay puwede ring makapaglagay ng mas malawak na review tungkol sa inyong brand at pangkalahatang serbisyo.

Ito ang eksaktong dahilan kung bakit mainam na may espesyal na lugar ito sa website ninyo, dahil makukuha ninyo ang lahat ng user reviews sa iisang lugar lang. Dagdag pa, ang mga user review na mas nakatuon sa brand ninyo at customer service imbes na sa partikular na produkto/serbisyo ay makatutulong sa inyo para makakuha ng mas mainam na detalye sa kung paano nag-iisip ang mga customer.

2. Isapubliko ang kasalukuyang review ninyo

Isa pang bagay na kailangan ninyong gawin ay siguraduhing palaging available ang kahit anong review na makukuha ninyo para makita at mabasa ng mga customer. Ibig sabihin nito ay lahat ng customer service reviews na makukuha ninyo ay dapat automatic na maililipat sa iisang review section sa ilalim ng mga produkto/serbisyo ninyo sa website, puwede rin sa isang user feedback section.

Mahihikayat nito ang iba pang customer na mag-iwan din ng review, lalo na kung nakikita nilang nagbibigay kayo ng oras para sumagot at tulungan ang mg tao sa anumang paraang kaya ninyo. Kahit na positibo o negatibo man ang review, makatutulong pa rin ito sa pagpahusay at pagpapaunlad ng mga serbisyo ninyo, kaya huwag matakot na mag-post nito online.

3. Gumamit ng customer feedback survey

Ang paggawa ng mainam na customer survey ay puwedeng maging mahirap na bagay dahil maraming factors ang kailangan ninyong ikonsidera. Una sa lahat, maraming iba’t ibang katanungan ang puwede ninyong itanong sa mga customer ninyo at mga sagot na puwede ninyong asahan. Pero sa kahit anong pagkakataon, kailangan ninyong pag-isipan nang mabuti kung ano ang mga itatanong ninyo.

Ang mga survey ninyo ay dapat mas mahaba imbes na nasa ilang pop-up windows sa website. Sa ganitong paraan, puwede kayong makapagtanong ng mas tutok na tanong at makakuha ng mas mainam at mas pantay na kasagutan.

Depende sa kung ang saklaw ng negosyo ninyo ay buong mundo man o hindi, dapat ninyong siguraduhing palaging i-track ang mga ganitong data mula sa lahat ng customer ninyo. Hindi lang kayo dapat gumawa ng isang localized na survey para sa bawat bansa kung nasaan ang kompanya ninyo; kailangan ninyo ring i-translate ang mga review na makukuha sa buong mundo sa wika na pipiliin ninyo. Ang pinakamainam na paraan para sa dalawang bagay na ito ay ang pakikipagtrabaho sa isang propesyonal na translator o isang propesyonal na translating service tulad ng  PickWriters, na makatutulong sa inyo na i-localize ang content ng survey nang walang mali o iba pang isyu.

4. Mag-follow up sa email

Pagkatapos makumpleto ng customer ang order, kailangan ninyong palaging mag-reach out sa kanila gamit ang email; pasalamatan sila sa kanilang binili at ipaalam sa kanilang nariyan kayo para tulungan sila sa lahat ng kakailanganin nila. Ang automation ng mga emails ninyo sa ganitong sitwasyon ay isang napakainam na paraan para palaging makapagkolekta ng reviews pagkatapos makumpleto ang isang sale. Makatutulong ito sa inyong agad na ma-track ang lahat ng ginagawa ng customer ninyo.

Hindi lang mapapatunayan ng email na ito ang pagbili nila, mapapagtibay pa nito ang tiwala sa brand ninyo at magiging bukas sa pagbigay ng feedback pagkatapos nilang makuha ang kanilang order.

Para matulungan kayong mas maintindihan kung paano makakapagsulat ng feedback email na mas magalang, magiliw, at nakatutulong, narito ang isang halimbawang template:

Para sa karagdagang impormasyon, basahin ang Email Feedback Templates.

Ang email feedback ay isang kapaki-pakinabang na taktika at ang review request ay isang mainam na follow-up. Ito ay isang paraang talagang makatutulong para ma-track ninyo ang mga pangangailangan ng customer at maipakita sa kanila na available kayo sa bawat parte ng kanilang karanasan sa brand ninyo.

5. Gumawa ng polls sa social media accounts ninyo

Ang mga social media platform ay maraming kakayahan at tunay na makatutulong sa inyo para mapasimple ang proseso ng pagtanggap ng feedback. Ang mga platform tulad ng Facebook at Twitter ay nagbibigay sa users ng option na mag-host ng timed polls kung saan puwede silang magtanong at madaling makakuha ng mga sagot.

Ang polls ay makatutulong sa inyong mangalap ng feedback sa mga katanungan o problemang maaari ninyong maranasan tungkol sa kahit anong topic ng business activities. Halimbawa, puwede kayong magtanong tungkol sa kahit ano mula sa “Paano ninyo mahahanap ang aming shipping process?” hanggang sa “Ano pa ang ibang produktong gusto ninyong gawin namin sa susunod?” Ang parehong tanong na ito ay madaling masasagot sa social media pages ninyo at makatutulong sa inyong mapahusay ang mga serbisyong maibibigay sa mga customer.

6. Gamitin ang usability tests

Ang mga usability test ay puwedeng akalaing komplikado at mahirap pero sa totoo lang, parte ito ng isang napakasimpleng paraan ng pangongolekta ng feedback sa mga serbisyo/produkto ninyo. Para mas madaling maintindihan, ang mga usability test ay mga libreng trial o mga produkto at serbisyo ninyong ibibigay sa mga potensiyal na customer at pangkalahatang target audience.

Sa paggamit ng produkto/serbisyo ninyo nang libre (sa loob ng partikular na panahon), ang mga tao ay mas malilinawan kung natuwa ba sila o hindi. Ang isang bagay lang na aasahan ninyo sa kanila, sa kabilang banda, ay ang tapat na customer product review. Sa ganitong paraan ay puwede ninyong kolektahin ang mga review sa kompanya ninyo nang mas madali at mas mabilis.

Sa kadalasan, ang mga tao ay kontento sa mga libreng trial na ito at mas may posibilidad na gugustuhin nilang magpatuloy sa paggamit ng mga produkto ninyo sa mahabang panahon. Kasabay nito, mas may posibilidad ding i-share nila ang karanasan nila sa kanilang social media accounts, na makapagdadala ng mas marami pang interesadong tao papunta sa inyo.

Huwag suhulan ang mga tao para magbigay ng positibong review

Ang pangongolekta ng mabuting review mula sa followers ninyo ay dapat tapat at hindi pinilit. Ang punto ng pagkuha ng feedback ay para maging bukas sa kritisismo at tanggapin na hindi lahat ay magiging masaya sa ihahandog ninyo sa kanila. Ang pagsuhol sa mga tao para sa positibong review ay hindi kailanman makatutulong sa inyo para lutasin ang mga tunay na isyu sa produkto/serbisyo ninyo. Kaya ang kalalabasan nito ay mas kaunting sales at maraming hindi kapaki-pakinabang pero positibong review.

Ang mga mabuting customer service review ay dapat ibinibigay nang natural at hindi kayo dapat magmalabis para lang makakuha ng online reviews, lalo na kung bayad ang mga ito. Kahit pa makakita kayo ng negatibong review sa Yelp o sa website ninyo, kailangan ninyong gamitin ang mga ito sa positibong paraan. 

Diskubrehin ninyo

Mahalaga ang kaalaman kung napapraktis ito. Kaya i-test na ang lahat ng natututuhan ninyo sa aming academy sa loob mismo ng LiveAgent.
https://www.youtube.com/watch?v=hESlAVnF8G4

Try out LiveAgent for FREE

Handle all customer inquiries from one interface. Start improving your customer service with a 14-day free trial right away!

FREE TRIAL
{ “@context”: “https://schema.org”, “@type”: “FAQPage”, “mainEntity”: [{ “@type”: “Question”, “name”: “Paano mahihikayat ang customer na mag-iwan ng review?”, “acceptedAnswer”: { “@type”: “Answer”, “text”: “Maraming puwedeng gawin ang mga business para makakuha ng reviews mula sa customers, pero di madaling gamitin ang lahat sa bawat okasyon. Para mag-iwan ang customer ng review, gumawa ng review section sa website ninyo, mag-post ng social media polls, o magpadala ng customer feedback survey para mahikayat ang consumer. Positibo man o negatibo ang review, matutulungan pa rin kayo nitong mapabuti ang mga serbisyo ninyo.” } }, { “@type”: “Question”, “name”: “Paano makakakuha ng positibong reviews?”, “acceptedAnswer”: { “@type”: “Answer”, “text”: “Ang pinaka-natural at tiyak na paraan para makakuha ng positibong review ay taunan ang pagkakataong kuntento ang customer sa inyong produkto/serbisyo. Sa ganitong mga pagkakataon, ma pabor sa consumer na mag-iwan ng positibong review bilang masayang reaksiyon.” } }, { “@type”: “Question”, “name”: “Dapat bang magbayad para makakuha ng positibong reviews?”, “acceptedAnswer”: { “@type”: “Answer”, “text”: “Ang pagsuhol sa mga tao para makakuha ng positibong review ay di makatutulong sa inyong ayusin ang anumang isyu sa mga produkto/serbisyo ninyo. Mababawasan nito ang sales ninyo pero meron kayong marami pero walang silbing positibong reviews.” } }] }
Balik sa academy Gumawa ng LIBRENG account

Gumagamit ng cookies ang website namin. Sa pagpapatuloy mo dito, awtomatikong tatanggapin namin na may permiso kami sa pag-deploy ng cookies na nakadetalye sa aming polisiya sa privacy at cookies.